നഗ്നം

കവിത

ഇടക്കുളങ്ങര ഗോപൻ

ചില വികാരങ്ങൾ
ഇങ്ങനെയാണ്‌.
എപ്പോഴും വന്നു മുട്ടിവിളിക്കും
ചിലപ്പോൾ കരയാൻ ഭാവിക്കും
ചിരിക്കാതെ ചിരിച്ചെന്നു വരുത്തും
കള്ളിമുണ്ടുടുത്ത്‌ കലികയറി
വേണ്ടാത്തരങ്ങൾ കാട്ടും
കാച്ചിക്കുറുക്കിയ വാക്കുകളാൽ പ്രണയിക്കും.

ചില നേരങ്ങളിൽ
കാത്തുകാത്തിരുന്ന് മുഷിഞ്ഞാലും
കണ്ണുപൊത്തിക്കളിക്കാൻ വരാതെ
നിഴലാട്ടം നടത്തും.
വാചാലതയ്ക്കും മൗനത്തിനുമിടയിൽ
ഉറയൂറി നഗ്നനാകും
പേയ്‌ പിടിച്ച കാലത്ത്‌
പേമാരിപോലെ പെയ്തൊഴിയും.

എപ്പോഴും, എന്റെ പൊന്നേ-
യെന്നു വിളിക്കാൻ കൊതിക്കും.


O

PHONE : 9447479905